Real Madrid përballet me një situatë delikate para ndeshjes së sontme, pasi plot gjashtë lojtarë janë në prag pezullimi në përballjen e dytë çerekfinale ndaj Bayernit.

Një karton i verdhë më shumë do t’i linte ata jashtë ndeshjes së kthimit, një goditje e madhe për skuadrën madrilene në këtë fazë vendimtare.

Në mesin e lojtarëve të rrezikuar janë edhe dy yjet kryesorë të sulmit, Vinícius Júnior dhe Kylian Mbappé, mungesa e të cilëve do të ishte një humbje e jashtëzakonshme për trajnerin Álvaro Arbeloa.

Përveç tyre, në rrezik janë edhe Jude Bellingham, Miguel Gutiérrez Carreras, Dean Huijsen dhe Aurélien Tchouaméni. Ndërkohë, Rodrygo gjithashtu është në këtë listë, por nuk do të luajë për shkak të një dëmtimi afatgjatë.

Katër prej këtyre futbollistëve Huijsen, Tchouaméni, Vinícius dhe Mbappé, kanë qenë vendimtarë në eliminimin e Manchester City. Veçanërisht, Vinícius realizoi dy gola në “Etihad”, ndërsa Mbappé ka kontribuar me tre gola dhe një asistim në shtatë përballje kundër Bayern Munich.

Gjyqtari i ndeshjes, Michael Oliver, njihet për rigorozitetin e tij. Në këtë edicion të UEFA Champions League, ai ka një mesatare prej 4.44 kartonësh për ndeshje dhe rreth 23.5 faulle të sinjalizuara, çka tregon se loja e fortë mund të ndëshkohet lehtë.

Në anën tjetër, edhe Bayern Munich ka dy lojtarë në rrezik pezullimi: mbrojtësit Dayot Upamecano dhe Konrad Laimer.

Ndeshja mes Real Madridit dhe Bayern Munich nis nga ora 21:00./Arbresh.info